• ×
  • تسجيل

هذه القصيدة للشاعر / مسفر منيف المصارير

بواسطة : الأفلاج
 0  0  5.2K
السلام عليكم ورحمة الله وبركاته
هذه القصيدة للشاعر / مسفر منيف المصارير



يا صاحبي با الله لا يكثـر الرمـس = ماني بيمك صـدري اليـوم ضايـق

يا صاحبي تكفى ترى خاطري عمس = ماني برايـق كـان تبغـى الحقايـق

كله سبايب من حمس خافقي حمـس = ناسٍ غشيمه مـا تعـرف الطرايـق

ناسٍ اتحسب المرجله ركبة الجمـس = وتقـول مـا مثلـي بكـل الخلايـق

الله يطمس مثلهم يا عـرب طمـس = أهـل العلـوم الهيـنـات الدقـايـق

المرجله يا اللي تبا المرجلـه شمـس = من دونها يا ناس مـا عـاق عايـق

اللي يميز فعلهـا يـا بشـر خمـس = اموثقه عنـد العـرب بـا الوثايـق

طيب ووفاء وصدور ما تعرف الحمس = وجـودٍ ولـدروب المكـارم سبايـق

ناسٍ تدف العوق ما تعرف الرمـس = و الـلاش دايـم للغثيثـه يـوايـق

وراع المراجل يأخذ اليـوم والأمـس = فـي كـل علـمٍ غانـمٍ دوم فـايـق

وألا الردي لو هو لمس للقمر لمـس = يبقى ردي حيـث العلايـق علايـق

أهل الردى نكبات و وجيههم دمـس = واللـي سواهـم جعلهـم للمحـايـق

يا صاحبي جاتك جهر ما هي بهمـس = أهل الوفاء تفرق عن أهـل الدقايـق

واللي يحسب المرجله ركبة الجمـس = ويشوف نفسه فـوق كـل الخلايـق

شرواه قل له يا طويل العمـر أمـس = والمدح في الرديان مـا هـو بلايـق


زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم

التعليقات

التعليقات ( 0 )

التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:13 مساءً الثلاثاء 23 صفر 1441 / 22 أكتوبر 2019.