• ×
  • تسجيل

(سلفي مع المجتمع ) !

 2  0  1.8K
هالمره بكتب بالعامي عشان الكل يستوعب ويفهم وش القصد بشكل ونوع ثاني
أولا احنا مجتمع إسلامي مترابط ونحن أمة محمد وبين أيدينا الكتاب والسنة
ونستغرب بالمواقع والأسواق تهاون الشباب والبنات بشكل غريب لدرجة توصل لمرحلة الغباء
تصور كل وضعها من تنام وتصحى يدها وجهها جسمها إلخ وتتهاون بسالفة نشر الصور حتى لو بين صحباتها وقت ماتطلع لسوق تحط كل الزينة كأنها رايحة لحفل مو سوق وفوق هذا عبايه وترفع الصوت قدام الشباب والوضع عادي عندهم .. والشباب صار عندهم عادي يأخذون الأرقام ويبدون في تكوين علاقه إلى أن تصل إلى الكذب والغش وينتهي الوضع بنشر الصور والمقاطع والمحادثات .. وتنتهي بالشرف
والسبب كان بسيط بالنسبة لها كانت تتعطر وتطلع وعادي وتتهاون والوضع أكبر من كذا
بعض البنات والشباب معتقدين إن الجمال هو اللي بيخلينا نحب معتقدين إن الجمال هو كل شيء وصل فيكم التفكير بالتصوير
وصار أغلب الصور والتحديثات بالواتس وBBM صوركم شباب وبنات وصار الوضع عادي وروتين مافيه ضمير ولا تأنيب
والحب بشكل عام ماله هدف الحب يجي بعد الزواج و
وطايحين بشيء اسمه صداقه وأخوه وكل شيء يصير بالحب يصير بينهم الفرق بس مايقولون لبعض أحبك
الوضع نفسه لكن يغيرون عشان أنفسهم بس
80 % قضايا تجي و أقراها شخصيا كلها
كذا يعني بقى 20% وتكملون 100%
والبنت اللي ب تحافظ على نفسها وتصونها بهالزمن هي بنت رجال
اصصصحوا ترا كل اللي أنتم فيه دوامه مالها أي نهايه فكروا في بعدين فكروا في أنفسكم أنكم أرقى من أي شيء ..
والشاب اللي الحين صار يحط صوره عرض بالانستقرام وكل مكان ما بقى اللي يحطه صوره ورى بالسياره وهدفه يسحب البنات تبيهم يخقون والله ترا أغلب البنات يستحقرون الشباب اللي زي كذا أو اللي يصور ويطلع لسانه
أصحصحوا من غفلتكم من نومكم الغلط ذا احنا بزمن صح تغير بس لا تتغير أطباعكم ورى ملذات وتصوير وأشياء تافهه خليكم أكبر من مجرد صوره ماقلنا لاتصورون صوروا وأنتو ب أماكن سياحه والخ هذي يمكن نسلك فيها لكن صور وأنت بغرفه ومع صاحباتك وسلفي ومدري إيش صدق المجتمع صار إنقيادي يمشي ورى أهواء نفسه وأهواء الناس
فكرو بعقل ترا المجتمع خسر الكثير ولا تخلون أنفسكم خساره وأنتم قدوه
وموضوع الصور بعض البنات ترسل صورها لشباب على نيتها وثقت فيه لأن جرها بالكلام الحلو
وهو يعتقد أنها تكلمه وأرسلت صورها يعني هي ماتربت أكيد هي تكلم ألف رجال وهو يجرح نواياها وهي أصلا طفله ما تعرف غير الطهر إذا زلت أو صار شيء قال لها بنشر صورك بفضحك وينشر صورها
هو فرحان الحين بنشره لصورها شوه سمعتها صور المحادثات بينهم ونشرها فضحها وهي مسكينه
نسى إن عنده أم وأخوات وأهل وزوجه بعدين
و الدنيا دواره ترا هالكلام مو كذب
أنا أشوف قضايا كككبيره أنصدم إن شبابنا كذا
وترا البنات يخونون ويلعبون بعد لكن لاتعلقون قلوبكم على أمل كذاب ونهاية كلها كذب بكذب ..
ونجي لقضية الصلاة اللي الكل صار ياخذها عادي بعد
سهر ولعب وبالنهايه نوم ويتركون الصلاة وأصلا وجودهم بالحياه مو عشان سهر ولعب عشان عباده
غفلة ونسيان عمد وتهاون بالصلاة والأم والأب مسؤولين كل راع مسؤول عن رعيته مهما صار الصلاة فوق أي شيئ ..
وقضية التهاون بالوالدين ورفع الصوت عليهم
تمر الأيام محد يعرف عن أبوه وأمه شيء أبد وصلت قضايا العقوق بنسبة 54% وهذي نسبة كبيره خصوصا لمجتمع مثلنا يقرأ ويكتب مجتمع عنده الكتاب و السنه لكن الكل صار ياخذ الوضع بشكل عادي ويقول الكل كذا الزمن تغير الناس كذا لكن كل هذا غلط محد كان كذا الكل تغير بنفسه وتدهور المجتمع بشيء اسمه تهاون ..
والتعاون بالتربية تطلع البنت والولد ولا يدرون الأهل مع مين هي أو هو و إذا دخل الولد ب مخدرات أو قضية سجن أو البنت ب إبتزاز قالو ياليتنا
الدين يسر وليس عسير التهاون يكون بشيء وشيء
وسالفة الجامعات والمدارس خصوصا البنات
والعلاقات المحرمه والحب والإعجاب والمشكله مو هنا المشكله الأعظم إن المعلمات والإدارات القدوة ماشين كذا يعني إذا ما فيه إصلاح من فوق من القدوة كيف تبون إصلاح من البعض ...
وقضية الواسطات اللي الكل ماخذها موضه
يجي لك واحد يشتغل ثلاث شغلات وثلاث رواتب عشان ايش عشان يعرف والله أمير المنطقه عشان أيش عشان عمه أو أبوه ماسك الشغل
ماقلنا شيء يشتغلون لكن يتركون الباقي للمحتاجين فيه بطالة كبيره عشان كذا يصير تفحيط وسرقة
فاضين ويستغلون أوقاتهم بمثل هالأشياء
احنا أمة محمد وبمجتمع فيه الصح والغلط لكن الغلط صار أكبر لازم كل شخص يكون منتبه من كل شيء يسويه ويبتعد عن طريق المصالح ويمشي بطريق الصلاح والدين ..
أختم المقال ب آية قرآنية تختصر جميع مايحدث بالمجتمع قال الله تعالى
( إنما الحياة الدنيا لعب ولهو وزينة وتفاخر بينكم وتكاثر في الأموال والأولاد كمثل غيث أعجب الكفار نباته ثم يهيج فتراه مصفرا ثم يكون حطاما و في الآخرة عذاب شديد و مغفرة من الله و رضوان و ما الحياة الدنيا إلا متاع الغرور) "20"


و أسأل الله الهداية للجميع و الستر لكل فتاة و شاب ..
و أن يجعلنا من الصالحين..


ب قلم الكاتبة الأستاذه : هاجر الحماد.
كاتبه في صحيفة الأفلاج الإلكترونية
تويتر : @jo0non
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم

التعليقات

التعليقات ( 2 )

  • #1
    بواسطة : محــمد بن ناصر
    11-08-1435 08:56 صباحًا
    نسأل الله الهداية لـ شباب وبنات المسلمين .
  • #2
    بواسطة : جريح الهوى
    11-26-1435 10:02 صباحًا
    جزاكي الله خيرا ياكاتبتنا المبدعه ....

    وأسأل الله الهداية للجميع وان يستر ربي على كل فتاة و شاب وعلى جميع المسلمين اجمعين يارب و أن يجعلنا من الصالحين المهتدين .
التعليقات ( 2 )

  • #1
    بواسطة : محــمد بن ناصر
    11-08-1435 08:56 صباحًا
    نسأل الله الهداية لـ شباب وبنات المسلمين .
  • #2
    بواسطة : جريح الهوى
    11-26-1435 10:02 صباحًا
    جزاكي الله خيرا ياكاتبتنا المبدعه ....

    وأسأل الله الهداية للجميع وان يستر ربي على كل فتاة و شاب وعلى جميع المسلمين اجمعين يارب و أن يجعلنا من الصالحين المهتدين .
جميع الأوقات بتوقيت جرينتش +3 ساعات. الوقت الآن هو 07:50 مساءً الإثنين 12 ربيع الثاني 1441 / 9 ديسمبر 2019.