• ×
  • تسجيل

مرثيه في الشيخ محمد بن حماد بن فرحان رحمه الله رحمة الله

بواسطة : الأفلاج
 2  0  879
. قصيده مرثيه في الشيخ محمد بن حماد بن فرحان رحمه الله رحمة واسعه واسكنه فسيح جناته وان لله وان اليه راجعون خيّم ظلام الحزن في وجه الايام
وضاقت بي دروب الحياه الفسيحة
وطيّرت طير الشعر بضلوعي وحام
حتى استوى شعر الرثا للقريحه
وحطمت في حزني مقاييس وأرقام
ولو انصحوني ماسمعت النصيحه
وصارت همومي داخل ضلوعي أقسام
همٍ نهوجس به وهمٍ نزيحه
من يوم فارقنا علم ضمن الاعلام
وقالو رحل عنا عسى الله يبيحه
وأنا خفوقي لاجلس داخلي قام
يالله عسى الأخبار ماهي صحيحه
بعد سمعت ابكا القرايب والأيتام
أيقنت والأخبار صارت صريحه
وانتابني موجٍ من الحزن لطام
وفتحت صدري للحزن يستبيحه
رحل ابوحماد ماستكمل العام
ماعاد له من بين الاقراب ليحه
صحيفته طويت وجفنّ الأقلام
وترك وراه قلوب ناسٍ جريحه
ومرت علي أيامنا مثل الأحلام
وذكرى اللقا من بيننا هب ريحه
انا اعرفه وافي وصوام قوام
والضيف لازاره تطيح الذبيحه
انا اعرفه ماله مع العالم أخصام
وليا حضر طاريه يحضر مديحه
للشر هدامٍ وللخير مقدام
ويزبن عليه اللي قريبٍ مطيحه
واليوم فارقنا وحزن العرب عام
وبكت عليه وجيه ناسٍ فليحه
يارب يامنزل تبارك والأنعام
روحه تدخلها الجنان الفسيحه
يارب عبدٍ جاك صوام قوام
يارب تعفو عن خطاه وتبيحه الشاعر/ رشدان فهد العرفج
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم

التعليقات

التعليقات ( 2 )

  • #1
    بواسطة : ابو محمد
    11-12-1435 09:43 مساءً
    صح لسانك يا ابو فهد. وافي ما قصرت
    وابو حماد يستاهل المدح الله يرحمه
  • #2
    بواسطة : اجبليه
    11-16-1435 02:31 مساءً
    نبط القصيد وشعرها بالفصيحه هبت هبوبه يم وافين واحشام يستاهل المرحوموم والله يبيحه له الدعامناعلى طول اليام له ناجدن يضحك ونفس سميحه مع لين جانب ماتغيره لعوام
التعليقات ( 2 )

  • #1
    بواسطة : ابو محمد
    11-12-1435 09:43 مساءً
    صح لسانك يا ابو فهد. وافي ما قصرت
    وابو حماد يستاهل المدح الله يرحمه
  • #2
    بواسطة : اجبليه
    11-16-1435 02:31 مساءً
    نبط القصيد وشعرها بالفصيحه هبت هبوبه يم وافين واحشام يستاهل المرحوموم والله يبيحه له الدعامناعلى طول اليام له ناجدن يضحك ونفس سميحه مع لين جانب ماتغيره لعوام
جميع الأوقات بتوقيت جرينتش +3 ساعات. الوقت الآن هو 05:04 مساءً الخميس 15 ربيع الثاني 1441 / 12 ديسمبر 2019.