عبر الشاعر معجب حمد ال عمار عن مايجول بخاطره بمناسبة زيارة صاحب السمو الملكي الأمير خالد بن بندر بن عبدالعزيز أمير منطقة الرياض وسمو نائبة صاحب السمو الملكي الأمير تركي بن عبدالله بن عبدالعزيز ال سعود لمحافظة الأفلاج والتي سيكون لها الأثر الطيب في نفوس أهالي المحافظة وقال قصيدة بهذه المناسبة قال فيها ..
سلامن احلا من حليب المصاغير
بشيوخ نجد احفاد صقر الجزيرة
يامرحبا وعداد ماغرد الطير
وعداد نبت الروض محلا عبيره
وعداد همال المطر والشخاتير
وعداد مالاحت بروق سفيره
الاد عمار تزف التباشير
بحضوركم عم الفرح كل ديره
دواسر امكرمين المسايير
وفالحرب جمع كالسيوف الشطيره
ياسعد منهم فزعته يالمناعير
يبشر بنصر مايبي شي غيره
وحنا لقادتنا نسوق الطوابير
تحت امركم مثل السلاح بذخيره
وتاريخنا يشهد لنا قبل لا صير
سيوفكم يوم الوغا والعسيره
ومني لبو متعب سلام وتقدير
وتحيه مثل البحور الغزيره
الحاكم العادل زبون المخاسير
اطلب من الله يحفظه ثم يجيره
ولي عهده مالحقه اي تقصير
ابو فهد زيزوم نجد واميره
وانقد ابيوتي مثل نقد الدنانير
واصبها مثل الذهب فالجفيره
ارفع يديني واطلب الله يأمير
تحفظ لنا حكامنا بالجزيرة
الشاعر / معجب حمد ال عمار
التعليقات 1
1 ping
2013-04-10 في 8:25 ص[3] رابط التعليق
صح لسانك